ფინანსთა მინისტრის შეხვედრა მცხეთა-მთიანეთის მხარეში

თარიღი: 16-მარტი-2010

მ/წ 16 მარტს ფინანსთა მინისტრმა კახა ბაიდურაშვილმა სამუშაო შეხვედრა გამართა მცხეთა-მთიანეთსა და შიდა ქართლში პრეზიდენტის სახელმწიფო რწმუნებულებთან და რაიონების  გამგებლებთან.

მცხეთაში, სამხერაო ადმინისტრაციის შენობაში გამართულ შეხვედრაზე, მინისტრმა ადგილობრივი ხელისუფლების წარმომადგენლებისგან მოისმინა  ინფორმაცია პირველი კვარტალის ბიუჯეტის შესრულების მიმდინარეობის თაობაზე და გაეცნო ადგილობრივი ფისკალური სამსახურების მუშაობას. კახა ბაინდურაშვილმა ასევე მოისმინა ინფორმაცია იმ ადგილობრივი ინფრასტრუქტურული და სოციალური პროგრამების მიმდინარეობის შესახებ,  რომელიც 2010 წლის ბიუჯეტიდან ფინანსდება.

როგორც შეხვედრაზე ითქვა,  აღნიშნული ინფრასტრუქტურულ პროექტებს დიდი მნიშვნელობა აქვს რეგიონების სოციალურ-ეკონომიკური განვითარებისა და მოსახლეობის დასაქმების კუთხით. ფინანსთა მინისტრი აგრეთვე დაინტერესდა რეგიონში მიმდინარე საინვესტიციო პროექტებით და ბიზნესაქტივობით. ანალოგიურ შეხვედრებს მინისტრი ყველა რეგიონში გამართავს. 15 მარტს იგი ქვემო ქართლში პრეზიდენტის რწმუნებულსა და რაიონის გამგებლებს შეხვდა.