დაკავება ყალბი აქციზური მარკების დამზადება-გასაღების ფაქტზე

თარიღი: 21-ოქტომბერი-2011

ყალბი აქციზური მარკების დამზადებისა და გასაღების ფაქტებზე, ფინანსთა სამინისტროს საგამოძიებო სამსახურის თანამშრომლების მიერ დაკავებულები არიან: ინდმეწარმე გედევან ადეიშვილი, მოქალაქეები: გიორგი ტოროშელიძე, მზია მესხი, ირინე ივანოვი და ამინადარ მეგენეიშვილი.

გამოძიებით დადგენდა, რომ   ფერადი პრინტერის და სკანერის გამოყენებით გ. ტოროშელიძე მის საცხოვრებელ სახლში ამზადებდა ყალბ აქციზურ მარკებს, რომლებსაც  მ. მესხისა და ი.ივანოვის მეშვეობით ასაღებდა. თავის მხრივ, აღნიშნული პირები აქციზური მარკების რეალიზებას ფალსიფიცირებული ალკოჰოლური სასმელების დამამზადებლებზე ახდენდნენ.  გ. ტოროშელიძისგან ყალბ აქციზურ მარკებს იძენდა ასევე ა.მეგენეიშვილი, თავად ამზადებდა ფალსიფიცირებულ კონიაკს, ასხავდა მეორად ბოთლებში და ყალბი აქციზური მარკების გამოყენებით, ი/მ   გ.ადეიშვილის დახმარებით  თბილისში,  ე.წ თერგის ბაზრობაზე ყიდდა.

სამართალდამცველებმა ბრალდებულები დანაშაულის ფაქტზე დააკავეს. ექსპერტიზა  დაადგენს, თუ რამდენად მავნეა ადამიანის სიცოცხლისა და ჯანმრთელობისათვის აღნიშნული ფალსიფიცირებული პროდუქცია.

მიმდინარეობს გამოძიება საქართველოს სისხლის სამართლის კოდექსის მე -  200 პირველი პრიმა მუხლის, მეორე ნაწილით, რაც ითვალისწინებს თავისუფლების აღკვეთას 4 დან 6 წლამდე ვადით.