სტიქიის შედეგების სალიკვიდაციო სამუშაოების გასაცნობად და მოსახლეობასთან შესახვედრად, ვანის რაიონში გვიან ღამით, ფინანსთა მინისტრი ნოდარ ხადური ჩავიდა.
როგორც ფინანსთა მინისტრმა განაცხადა, რეგიონში მომხდარი სტიქიის შედეგების სალიკვიდაციოდ, შექმნილი სამთავრობო კომისია დაადგენს მიყენებული ზარალის ზუსტ ოდენობას და ცენტრალური ხელისუფლება დაზარალებულ მოსახლეობას შესაბამის დახმარებას აღმოუჩენს. სახელმწიფო დაფარავს სტიქიის შედეგად გარდაცვლილთა დაკრძალვის ხარჯებსაც.