მიმდინარე წლის 30 სექტემბერს, ფინანსთა მინისტრი ნოდარ ხადური წითელი ჯვრის საზოგადოების წარმომადგენლებს - ანიტ უმბერლინასა და მეთე პეტერსენს შეხვდა.
შეხვედრას ასევე დაესწრო საქართველოს წითელი ჯვრის საზოგადოების პრეზიდენტი ნათია ლოლაძე.
შეხვედრაზე ისაუბრეს საქართველოში წითელი ჯვრის საზოგადოების საქმიანობასა და ორგანიზაციის სამომავლო გეგმების შესახებ.
როგორც სტუმრებმა აღნიშნეს, 1-3 ოქტომბერს, საქართველოს წითელი ჯვრის საზოგადოება თბილისში მასპინძლობს ევროპისა და ცენტრალური აზიის 15 ქვეყნის წითელი ჯვრისა და წითელი ნახევარმთვარის საზოგადოების ლიდერთა შეხვედრას.
აღნიშნული მაღალი დონის შეხვედრა ყოველ 2 წელიწადში იმართება და მას სხვადასხვა ქვეყანა მასპინძლობს.
ფინანსთა მინისტრმა წითელი ჯვრის საზოგადოების წარმომადგენლებს მადლობა გადაუხადა იმ მხარდაჭერისთვის, რომელსაც ორგანიზაცია წლების განმავლობაში უწევს საქართველოს და იმედი გამოთქვა, რომ თანამშრომლობა კვლავ აქტიურად გაგრძელდება.