მიმდინარე წლის 2 თებერვალს, ფინანსთა მინისტრი ნოდარ ხადური საერთაშორისო სარეიტინგო სააგენტო Moody’s-ის წარმომადგენლებს შეხვდა.
შეხვედრაზე მინისტრმა სტუმრებს გააცნო მაკროეკონომიკური პარამეტრები, საქართველოს მთავრობის ეკონომიკური პოლიტიკის მნიშვნელოვანი მიმართულებები და ქვეყანაში არსებული საინვესტიციო გარემო.
შეხვედრაზე ასევე განიხილეს ქვეყნის ფისკალური პოლიტიკა საშუალოვადიან პერიოდში, 2015 წლის სახელმწიფო ბიუჯეტი, საგადასახადო პოლიტიკა, სოციალური და ინფრასტრუქტურული პროექტები და დაგეგმილი ხარჯები, სახელმწიფო საგარეო და საშინაო ვალის საკითხები და სხვა.