მიმდინარე წლის 23 თებერვალს, ფინანსთა მინისტრმა ნოდარ ხადურმა და სამინისტროს წარმომადგენლებმა სამუშაო შეხვედრა გამართეს საერთაშორისო სავალუტო ფონდის ანალიტიკურ მისიასთან, რომელსაც მარკ გრიფიტსი ხელმძღვანელობს.
შეხვედრაზე მხარეებმა განიხილეს ქვეყანაში და ზოგადად, რეგიონში არსებული მდგომარეობა და ის ძირითადი ფაქტორები, რომლებმაც ზეგავლენა იქონიეს რეგიონის ქვეყნების ეკონომიკებზე.
როგორც შეხვედრაზე აღინიშნა, მისიის ფარგლებში, მთავრობასთან და ეროვნულ ბანკთან ერთად მოხდება საქართველოში მიმდინარე ეკონომიკური პროცესების, არსებული მაკროეკონომიკური პარამეტრების შეფასება და რისკების გაანალიზება, რათა საბოლოოდ ფისკალური და მონეტარული პოლიტიკა ადეკვატური იყოს იმ გამოწვევების, რომელიც დღეს რეგიონშია.