დღეს, ფინანსთა მინისტრი, პროფესორი, ნოდარ ხადური ივანე ჯავახიშვილის სახელობის თბილისის სახელმწიფო უნივერსიტეტში დაესწრო ქართული ფინანსური მეცნიერების ერთ-ერთი ფუძემდებლის, აკადემიკოს ვასილ ჩანტლაძის დაბადებიდან 110 წლის საიუბილეო ღონისძიებას.
საქართველოს მეცნიერებათა აკადემიის აკადემიკოსი, ვასილ ჩანტლაძე 20 წლის განმავლობაში ხელმძღვანელობდა თსუ-ს ფინანსებისა და კრედიტების კათედრას. ამ პერიოდის განმავლობაში მან გამოაქვეყნა 200-ზე მეტი სამეცნიერო ნაშრომი, რომელთა უმეტესი ნაწილი ფინანსების თეორიას, ეკონომიკის დარგთა ფინანსებს, ფინანსების ისტორიას, ეკონომიკური აზრის ისტორიას ეძღვნებოდა.
ვასილ ჩანტლაძის შრომები გამოქვეყნებულია ქართულ, რუსულ, ჩინურ და ინგლისურ ენებზე.
ცნობილი მეცნიერის საიუბილეო ღონისძიებას დაესწრნენ თსუ-ს რექტორი, აკადემიკოსი ვლადიმერ პაპავა, საპარტნიორო ფონდის თავმჯდომარე, პროფესორი ირაკლი კოვზანაძე, უნივერსიტეტის პროფესორ-მასწავლებლები, ცნობილი მეცნიერები და საზოგადო მოღვაწეები, სტუდენტები.
ღონისძიება თსუ-ის ეკონომიკისა და ბიზნესის ფაკულტეტის ფინანსებისა და საბანკო საქმის კათედრის ორგანიზებით გაიმართა.