ფინანსთა მინისტრი ნოდარ ხადური, მთავრობის წევრებთან ერთად, ივანე ჯავახიშვილის სახელობის თბილისის სახელმწიფო უნივერსიტეტში დაესწრო პირველი დიასპორული პროფესიული ფორუმის: “გაუზიარე გამოცდილება სამშობლოს” გახსნას, რომელზეც დამსწრე სტუმრებს სიტყვით მიმართეს საქართველოს პრემიერ-მინისტრმა, ირაკლი ღარიბაშვილმა და მისმა უწმინდესობამ სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა ილია მეორემ.
პრემიერმა სიტყვით გამოსვლისას, ქვეყანაში ბოლო ორი წლის განმავლობაში განხორციელებულ რეფორმებზე, საქართველოს უნიკალურ რესურსებსა და დიასპორასთან დაკავშირებულ პრობლემატიკაზე ისაუბრა.
ღონისძიების ფარგლებში, თბილისის სახელმწიფო უნივერსიტეტთან, მსოფლიო ბანკსა და საერთაშორისო დიასპორის ჩართულობის ალიანსთან მემორანდუმები გაფორმდა.