მიმდინარე წლის 13 ოქტომბერს, საქართველოს ფინანსთა მინისტრის პირველმა მოადგილემ, შემოსავლების სამსახურის უფროსმა გიორგი თაბუაშვილმა თურქეთის საელჩოში გახსნილ სამძიმრის წიგნში ჩანაწერი გააკეთა.
გიორგი თაბუაშვილმა, საქართველოს ფინანსთა სამინისტროსა და ქართველი ხალხის სახელით ღრმა მწუხარება გამოთქვა 10 ოქტომბერს, თურქეთის დედაქალაქში მომხდარი ტერორისტული აქტის გამო.
„ჩვენს მეგობარ თურქ ხალხს, გარდაცვლილთა ოჯახებს, თურქეთის მთავრობას ვუსამძიმრებთ მომხდარი ტრაგედიის გამო, რომელსაც უდანაშაულო ადამიანების სიცოცხლე შეეწირა. მიიღეთ ჩვენი გულწრფელი სამძიმარი და თანადგომა ამ მძიმე წუთებში,“ - აღნიშნულია სამძიმრის წერილში.
ფინანსთა მინისტრის პირველმა მოადგილემ ასევე პირადად მიუსამძიმრა თურქეთის რესპუბლიკის საგანგებო და სრულუფლებიან ელჩს საქართველოში ზექი ლევენთ გუმრუქჩუს.