27-28 იანვარს, ფინანსთა მინისტრის მოადგილეებმა, ლაშა ხუციშვილმა და ლერი ბარნაბიშვილმა მონაწილეობა მიიღეს ქ. პარიზში გამართულ ეკონომიკური თანამშრომლობისა და განვითარების ორგანიზაციის (OECD) ფისკალურ საქმეთა კომიტეტის (CFA) შეხვედრაში.
კომიტეტის სხდომა მიეძღვნა საერთაშორისო საგადასახადო პოლიტიკის სფეროში დაგეგმილ სიახლეებს, კერძოდ, დასაბეგრი ბაზის შემცირებისა და მოგების გადაქაჩვის ღონისძიებათა პაკეტის იმპლემენტაციისათვის განსახორციელებელ საქმიანობას.
აღსანიშნავია, რომ ვიზიტის ფარგლებში, მინისტრის მოადგილეები შეხვდნენ ესტონეთის ფინანსთა სამინისტროს წარმომადგენლებს და განიხილეს მოგების გადასახადის ესტონური მოდელის საგადასახადო საკითხები, ასევე სამომავლო თანამშრომლობის პერსპექტივა.