აშშ-ში ვიზიტის ფარგლებში, ფინანსთა მინისტრი ნოდარ ხადური ევროპის რეკონსტრუქციისა და განვითარების ბანკის პრეზიდენტს, სერ სუმა ჩაკრაბარტის შეხვდა.
მხარეებმა განიხილეს ორმხრივი თანამშრომლობის საკითხები. როგორც შეხვედრაზე აღინიშნა, EBRD საქართველოს მნიშვნელოვანი პარტნიორია როგორც ფინანსური თანამშრომლობის, ისე ევროპასთან ურთიერთობის გაღრმავების და ევროპული ინვესტიციების მოზიდვის კუთხით.
საუბარი შეეხო საქართველოს და EBRD-ს შორის საშუალოვადიანი თანამშრომლობის სტრატეგიის დოკუმენტს, ბანკის მიერ კერძო სექტორის განვითარების ხელშეწყობაში მონაწილეობას, EBRD-ს მიერ ლარში დენომინირებული ფასიანი ქაღალდების გამოშვებას, E5P – (აღმოსავლეთ ევროპის ენერგოეფექტურობის და გარემოს დაცვითი თანამშრომლობას (Eastern Europe Energy Efficiency and Environment Partnership - E5P).