გაფართოებული შეხვედრა ბიულენთ თუფენქჯისთან



ფინანსთა მინისტრმა, ნოდარ ხადურმა გაფართოებული შეხვედრა გამართა თურქეთის რესპუბლიკის საბაჟო საკითხთა და ვაჭრობის მინისტრთან, ბიულენთ თუფენქჯისთან. შეხვედრას ქართული მხრიდან, ფინანსთა მინისტრის პირველი მოადგილე, შემოსავლების სამსახურის უფროსი გიორგი თაბუაშვილი და სამინისტროს სხვა წარმომადგენლები დაესწრნენ.

თურქული მხრიდან შეხვედრაში მონაწილეობა მიიღეს თურქეთის რესპუბლიკის ელჩმა საქართველოში ზაქი ლევენთ გუმრუქჩუმ, თურქეთის საბაჟო საკითხთა და ვაჭრობის სამინისტროს დელეგაციის წევრებმა, მათ შორის, საბაჟო, ევროკავშირთან და საგარეო თანამშრომლობის დირექტორატების ხელმძღვანელმა, ასევე, საქართველოში თურქეთის რესპუბლიკის საელჩოს წარმომადგენლებმა.

მხარეებმა მიმოიხილეს, ორმხრივ და რეგიონულ ჭრილში, უსაფრთხო ვაჭრობის ხელშეწყობისთვის საბაჟო ადმინისტრაციების მიერ გაწეული საქმიანობა. საუბარი შეეხო, აგრეთვე, საქართველოსა და თურქეთის, როგორც ტრანზიტული ფუნქციის განმახორციელებელი ქვეყნების მნიშვნელობისა და როლის ამაღლებას რეგიონში.

დაისახა სატრანსპორტო დერეფნის კონკურენტუნარიანობის ამაღლების სამომავლო გეგმები, თანამედროვე საბაჟო კონტროლის მექანიზმების დანერგვის გზით.

განსაკუთრებული ყურადღება დაეთმო თურქეთის მხარეს, „სარფის“ საბაჟო-გამშვები პუნქტის რეკონსტრუქციისას, მგზავრების, ტვირთისა და სატრანსპორტო საშუალებების გადაადგილების შეფერხების თავიდან აცილების მიზნით, ქართველი და თურქი მებაჟეების კოორდინაციის გაუმჯობესების საკითხს.

შეხვედრაზე მხარეებმა განიხილეს ახალქალაქი-ყარსის მიმართულებით ახალი სარკინიგზო ხაზით გადაადგილებული ტვირთისა და მგზავრების მიმართ მოქნილი და მოდერნიზებული საბაჟო პროცედურების დანერგვის გეგმაც.

ვიზიტის ფარგლებში გაფორმდა ერთობლივი დეკლარაცია, რომელიც საქართველოს ფინანსთა სამინისტროსა და თურქეთის საბაჟო საკითხთა და ვაჭრობის სამინისტროს შორის, ორმხრივი, ყოვლისმომცველი თანამშრომლობის გაძლიერებას ითვალისწინებს.

დღესვე, ხელი მოეწერა საქართველოს ფინანსთა სამინისტროს სსიპ შემოსავლების სამსახურსა და თურქეთის რესპუბლიკის საბაჟო საკითხთა და ვაჭრობის სამინისტროს შორის უფლებამოსილი ეკონომიკური ოპერატორების ურთიერთაღიარების პროგრამის სამოქმედო გეგმას და გაფორმდა ერთობლივი საბაჟო კომიტეტის შეხვედრის ოქმი.

სახელმწიფო ბიუჯეტის მონაცემები

28მარტი დღე თვე წელი
2024 27.03 01.03 01.01
  27.03 27.03
   
   
ნაშთი დასაწყისი : 1 491.71 418.2 1 577.3
შემოსულობები : 25.71 605.85 375.7
მ.შ გადასახადები :17.9
1 342.84 516.8
გადასახდელები : 71.11 578.5
5 506.8
ნაშთი ბოლოს : 1 446.2 1 446.21 446.2

* რიცხვები მოცემულია: მლნ.

<მარტი>
ორსაოთხუპაშაკვ
26272829123
45678910
11121314151617
18192021222324
25262728293031
1234567

ეკონომიკური ანალიზი

დონორი ორგანიზაციები

მოქალაქის გზამკვლევი
2023 წლის ბიუჯეტი

საჯარო ფინანსების მართვა საქართველოში

პასუხისმგებლიანი დაკრედიტების რეფორმა

სახელმწიფოს შიდა ფინანსური კონტროლი

დავების განხილვის საბჭო

ელექტრონული აუქციონი

ანგარიშები და პრეზენტაციები

სწავლება და კარიერა