|
თქვენ შეგიძლიათ დადგეთ აღრიცხვაზე გადასახადის გადამხდელად ერთ დღეში თუ შეავსებთ საჭირო დოკუმენტაციას და წარადგენთ შესაბამის სგადასახადო ორგანოში.
გადასახადის გადამხდელები საგადასახადო აღრიცხვაზე (რეგისტრაციაზე) აყვანილად ითვლებიან მათი შესაბამის რეესტრში შეტანის, საიდენტიფიკაციო ნომრის მინიჭების, და საგადასახადო აღრიცხვის (რეგისტრაციის) შესაბამისი მოწმობის გაცემის შემდეგ.
გადასახადის გადამხდელის უფლებამოსილება წარმოიშობა მხოლოდ მათი შესაბამის რეესტრში შეტანის და საგადასახადო აღრიცხვის (რეგისტრაციის) შესახებ მოწმობის (ინდივიდუალური ადმინისტრაციულ-სამართლებრივი აქტის) გამოცემის მომენტიდან.
„მეწარმეთა შესახებ“ საქართველოს კანონში 2009 წლის 25 დეკემბერს განხორციელებული ცვლილებების შემდეგ საგადასახადო ორგანოს ნაცვლად მეწარმე სუბიექტების რეგისტრაციას ახორციელებს საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირი – საჯარო რეესტრის ეროვნული სააგენტო.
|
საგადასახადო ორგანოს რეგიონალური ცენტრის მისამართები და საკონტაქტო ტელეფონები
რეგისტრაციაზე უარის თქმის შემთხვევაში განმცხადებელს უბრუნდება სარეგისტრაციოდ წარდგენილი დოკუმენტაცია. საგადასახადო ორგანოს უარი რეგისტრაციაზე შეიძლება გასაჩივრდეს მარეგისტრირებელი ორგანოს ზემდგომ ორგანოში ან სასამართლოში დადგენილი წესის შესაბამისად.
შეკითხვების შემთხვევაში დაგვიკავშირდით ნომერზე: 077. ზარი უფასოა
|