საშემოსავლო გადასახადის ყოველთვიურ დეკლარაციას  გადახდის წყაროსთან განაცემების დაბეგვრის თაობაზე წარადგენს:

პირი, რომელიც დაქირავებულ ფიზიკურ პირებს უხდის ხელფასს, პენსიას (გარდა სახელმწიფო სოციალური უზრუნველყოფის სისტემაში გაცემული პენსიისა), სტიპენდიას (გარდა სახელმწიფო სტიპენდიისა), პირს უხდის დივიდენდს, გაწეულ მომსახურებას უნაზღაურებს გადასახადის გადამხდელის მოწმობის არმქონე ფიზიკურ პირებს, შესაბამის თანხებს უხდის არარეზიდენტებს, გასცემს მოგებებს (მათ შორის ნივთმოგებებს);

საბროკერო კომპანია, რომელიც გადასახადის გადამხდელად არარეგისტრირებული პირის ფასიანი ქაღალდების რეალიზაციის შემთხვევაში გასცემს ასეთი რეალიზაციით მიღებულ ნამეტ შემოსავალს.

გადახდის წყაროსთან დაკავებული გადასახადები ბიუჯეტში გადახდას ექვემდებარება თანხის (მოგებების) გადახდისთანავე (გაცემისთანავე), ხოლო განაცემის არაფულადი ფორმით განხორციელების შემთხვევაში - შესაბამისი თვის ბოლო რიცხვში.

მეწარმე ფიზიკური პირი იხდის საშემოსავლო გადასახადის მიმდინარე გადასახდელებს. 

ფიზიკური პირი წარადგენს საშემოსავლო გადასახადის 2009 წლის დეკლარაციას და ამავე ვადაში იხდის კუთვნილ დაზუსტებულ გადასახადს.

პირი, რომელიც გადახდის წყაროსთან გადასახადების დაკავებას ახორციელებს, დეკლარაციის გარდა, საგადასახადო ორგანოში წარადგენს ინფორმაციას 2009 წლის მიხედვით ფიზიკურ პირებზე გაცემული თანხებისა და დაკავებული გადასახადების შესახებ, საქართველოს ფინანსთა მინისტრის 2008 წლის 10 იანვრის N22 ბრძანებით დამტკიცებული ინსტრუქციით განსაზღვრული დეკლარაციის “ბ” დანართის შესაბამისად.

მოგების გადასახადის გადამხდელი წარადგენს მოგების გადასახადის 2009 წლის დეკლარაციას და ამავე ვადაში იხდის კუთვნილ დაზუსტებულ გადასახადს.

მოგების გადასახადის გადამხდელი იხდის მოგების გადასახადის მიმდინარე გადასახდელებს.

დამატებული ღირებულების გადასახადის (დღგ-ს) გადამხდელად რეგისტრირებული პირი იხდის დარიცხულ დღგ-ს და წარადგენს:

• შესაბამისი  თვის დეკლარაციას
• საგადასახადო ანგარიშ-ფაქტურებს
• სპეციალური საგადასახადო ანგარიშ-ფაქტურების (სსაფ) რეესტრს და სასაქონლო ნაშთებს, საქართველოს ფინანსთა მინისტრის 2005 წლის 14 თებერვლის N87 ბრძანების N4 დანართის შესაბამისად

დღგ-ს გადამხდელად არარეგისტრირებული პირი წარადგენს:

• სპეციალურ საგადასახადო ანგარიშ-ფაქტურებს (სსაფ)
• სპეციალური საგადასახადო ანგარიშ-ფაქტურების მოძრაობის აღრიცხვის ყოველთვიურ დეკლარაციას, საქართველოს ფინანსთა მინისტრის 2005 წლის 14 თებერვლის N87 ბრძანების N7 დანართის შესაბამისად

საგადასახადო აგენტები (როგორც დღგ-ის გადამხდელად რეგისტრირებული, ისე არარეგისტრირებული) იხდიან 2009 წლის დეკემბრის თვეში არარეზიდენტის მიერ მათთვის გაწეულ მომსახურებაზე უკუდაბეგვრის წესით დარიცხულ დღგ-ს და წარადგენენ გაანგარიშებას საქართველოს ფინანსთა მინისტრის 2004 წლის 31 დეკემბრის N901 ბრძანებით დამტკიცებული “უკუდაბეგვრის წესით დარიცხული დღგ-ის ბიუჯეტში გადახდისა და ანგარიშგების წარდგენის წესის” დანართი N1-ის შესაბამისად.

აქციზის გადამხდელი წარადგენს აქციზის შესახებ შესაბამისი თვის დეკლარაციას და იხდის კუთვნილ გადასახადს. ამასთან, აქციზური მარკებით ნიშანდებას დაქვემდებარებულ აქციზურ საქონელზე აქციზი გადახდას ექვემდებარება აქციზური მარკების შეძენისას.

ფიზიკური პირი (მათ შორის მეწარმე) იხდის ქონების გადასახადს, როგორც მიწაზე, ისე სხვა დასაბეგრ ქონებაზე.

საწარმოები და ორგანიზაციები ეკონომიკური საქმიანობისათვის გამოყენებულ ქონებაზე (მათ შორის მიწაზე) 2009 წლის ქონების გადასახადის დეკლარაციას საგადასახადო ორგანოში წარადგენენ და ამავე ვადაში იხდიან კუთვნილ გადასახადს (გარდა მიწისა).

საწარმო/ორგანიზაცია ქონებაზე (გარდა მიწისა) იხდის ქონების გადასახადის მიმდინარე გადასახდელს გასული საგადასახადო წლის წლიური გადასახადის ოდენობით.

საწარმო/ორგანიზაცია იხდის მიწაზე ქონების გადასახადს.

სოფლის მეურნეობაში გამოყენებული წყლის რესურსებით სარგებლობისათვის მოსაკრებლის გადამხდელი საგადასახადო ორგანოში წარადგენს წლიურ გაანგარიშებას და იხდის კუთვნილ მოსაკრებელს.

მინერალურ წყლებზე ბუნებრივი რესურსებით სარგებლობისათვის მოსაკრებლის გადამხდელი წარადგენს  კვარტალურ გაანგარიშებას და ამავე ვადაში იხდის კუთვნილ მოსაკრებელს.

ბუნებრივი რესურსებით სარგებლობისათვის მოსაკრებლის გადამხდელი თავისი ადგილსამყოფელის მიხედვით საგადასახადო ორგანოში წარადგენს შესაბამისი თვის გაანგარიშებას და იხდის კუთვნილ მოსაკრებელს, გარდა ტყის ფონდის მერქნული რესურსებით, მცენარეთა არამერქნული რესურსებითა და მათი პროდუქტით, სოფლის მეურნეობაში გამოყენებული წყლის რესურსებით, გადამფრენ ფრინველებზე ნადირობით, მინერალურ წყლებზე ბუნებრივი რესურსებითა და ნახშირორჟანგზე (გაზ CO²) ბუნებრივი რესურსებით სარგებლობისათვის.

ნახშირორჟანგზე (გაზ CO²) ბუნებრივი რესურსებით სარგებლობისათვის მოსაკრებლის გადამხდელი წარადგენს  შესაბამისი თვის გაანგარიშებას და იხდის კუთვნილ მოსაკრებელს.

წამახალისებელი გათამაშების, სისტემურ-ელექტრონული ფორმის თამაშობის მომწყობი (ორგანიზატორი) პირები წარადგენენ სათამაშო ბიზნესის მოსაკრებლის კვარტალურ დეკლარაციას და  იხდიან კუთვნილ მოსაკრებელს.

კაზინოს (სამორინეს) სათამაშო მაგიდების, სათამაშო აპარატებისა და ტოტალიზატორის, ბინგოს, ლოტოს სალაროების მომწყობი (ორგანიზატორი) პირები იხდიან სათამაშო ბიზნესის მოსაკრებელს  კვარტალის დაწყებამდე, მოსაკრებლის გადახდის ნიშნების შეძენის გზით.

საქველმოქმედო ორგანიზაცია შესაბამის საგადასახადო ორგანოში წარადგენს:
ა) ბოლო წლის საქმიანობის პროგრამულ ანგარიშს, რომელიც უნდა შეიცავდეს საქმიანობის (მათ შორის ეკონომიკურის) აღწერას;
ბ) ფინანსურ ანგარიშს მიღებული შემოსავლების შესახებ, წყაროებისა და გაწეული ხარჯების მიზნობრიობის მითითებით;
გ) დამოუკიდებელი აუდიტორის მიერ დადასტურებულ ბოლო წლის ფინანსურ დოკუმენტებს (ბალანსი და მოგება-ზარალის ანგარიში).