თარიღი: 04-ივნისი-2009

ფინანსთა სამინისტროს სისტემაში მიმდინარე რეფორმების პროცესში საზოგადოების სხვადასხვა ფენის აქტიურად ჩართვისთვის, ფინანსთა მინისტრის კახა ბაინდურაშვილის ინიციატივით, სამინისტროში მრჩეველთა საბჭო შეიქმნა სადაც საზოგადოებისთვის ცნობილი სახეები, დამოუკიდებელი ექსპერტები, პარტნიორი საერთაშორისო საფინანსო ინსტიტუტებისა და სამეცნიერო წრეების წარმომადგენლები გაერთიანდნენ ჯგუფს თავმჯდომარეობს მსოფლიო ბანკის წარმომადგენლობის ხელმძღვანელი საქართველოში როი საუთუორტი.

თარიღი: 08-ივნისი-2009

მიმდინარე წლის 8 ივნისს სასტუმრო „შერატონ მეტეხი პალასში” ფინანსთა სამინისტროსა და ბიზნესასოციაციებს შორის ხელმოწერილი თანამშრომლობის ქარტიის ფარგლებში, ფინანსთა მინისტრმა კახა ბაინდურაშვილმა სამუშაო შეხვედრა გამართა ამერიკის სავაჭრო პალატისა და ევროკავშირ-საქართველოს ბიზნეს-საბჭოს წარმომადგენლებთან, რომელზედაც განიხილეს ფინანსთა სამინისტროში მომზადებული საკანონმდებლო ინიციატივები. კერძოდ, საგადასახადო და საბაჟო კოდექსებსა და 2009 წლის სახელმწიფო ბიუჯეტში დაგეგმილი ცვლილებები.

თარიღი: 07-ივნისი-2009

მიმდინარე წლის 7 ივნისს, ფინანსთა მინისტრი კახა ბაინდურაშვილი თბილისის თავისუფალ უნივერსიტეტში პროფესორ-მასწავლებლებსა და სტუდენტებს შეხვდა, სადაც მინისტრმა დეტალურად ისაუბრა 2009 წლის სახელმწიფო ბიუჯეტში დაგეგმილი ცვლილებების, სამინისტროში მომზადებული საკანონმდებლო ინიციატივებისა და ქვეყნის მაკროეკონომიკური მდგომარეობის შესახებ. სტუდენტები ძირითადად დაინტერესდნენ რა სფეროებზე გადანაწილდება გაზრდილი საბიუჯეტო ასიგნებები, რას ითვალისწინებს ფისკალური სტიმულირების გეგმა და როგორია ინვესტიციების შემოსვლის პერსპექტივა ქვეყანაში.

თარიღი: 06-ივნისი-2009

მიმდინარე წლის 5-6 ივნისს 2009 წლის სახელმწიფო ბიუჯეტში დაგეგმილი ცვლილებების პროექტზე, სამინისტროს მიერ მომზადებულ საკანონმდებლო ინიციატივებზე, ფისკალური სტიმულირების გეგმაზე იმსჯელეს სემინარზე, რომელიც ფინანსთა სამინისტრომ სპეციალურად ჟურნალისტებისათვის გამართა. სემინარს ესწრებოდნენ ფინანსთა მინისტრი კახა ბაინდურაშვილი, მინისტრის პირველი მოადგილე პაპუნა პეტრიაშვილი, მინისტრის მოადგილე ირაკლი ღვალაძე და საბიუჯეტო დეპარტამენტის წარმომადგენლები.

თარიღი: 09-ივნისი-2009

მიმდინარე წლის 9 ივნისს ქვეყნის ფისკალურ სფეროში არსებული მდგომარეობის შესახებ დეტალური ინფორმაცია ფინანსთა მინისტრისგან ანტიკრიზიული საბჭოს წევრებმა მოისმინეს. შეხვედრაზე, რომელიც ფინანსთა სამინისტროში გაიმართა განიხილეს სამინისტროს მიერ მომზადებული საბიუჯეტო ცვლილებები, საკანონმდებლო ინიციატივები (საბაჟო და საგადასახადო კოდექსებში დაგეგმილი ცვლილებები) აგრეთვე, მთავრობის გადაწყვეტილება სახელმწიფო ფასიანი ქაღალდების (სახაზინო ვალდებულებების) გამოშვების თაობაზე და საბანკო სექტორში არსებული ვითარება.

თარიღი: 09-ივნისი-2009

შემოსავლების სამსახურის საგამოძიებო დეპარტამენტის სამეგრელო, ზემო სვანეთის სამმართველოს თანამშრომლებმა სამსახურეობრივი გულგრილობის ფაქტზე დააკავეს შემოსავლების სამსახურის საგადასახადო ინსპექციის რეგიონალური ცენტრის ადმინისტრაციული სამმართველოს თანამშრომელი რუბენ გიგანი. მას სამსახურეობრივად ევალებოდა მესტიის რაიონის ტერიტორიაზე არსებული სავაჭრო დაწესებულებების საქმიანობის აღრიცხვა და კონტროლი. აღმოჩნდა, რომ წლების მანძილზე მესტიაში რეგისტრაციის გარეშე ფუქნციონირებდა რამდენიმე ათეული მაღაზია, დარეგისტრირებულების დიდ ნაწილს კი არ აღმოაჩნდა სალარო აპარატი, რითაც დაირღვა სახელმწიფოს კანონიერი ინტერესი და ბიუჯეტს მნიშვნელოვანი ზიანი მიადგა.

თარიღი: 10-ივნისი-2009

ფინანსთა მინისტრი განაგრძობს ინდივიდუალურ შეხვედრებს საქართველოში მოქმედ ბიზნესგაერთიანებებთან, რომლებთანაც განიხილება სამინისტროს მიერ მომზადებული საბიუჯეტო ცვლილებების პროექტი, საკანონმდებლო ინიციატივები, ქვეყანაში საგარეო თუ შიდა ფაქტორების გათვალისწინებით შექმნილი მაკროეკონომიკური მდგომარეობა.

თარიღი: 10-ივნისი-2009

მიმდინარე წლის 9 ივნისს ფინანსთა მინისტრმა კახა ბაინდურაშვილმა მონაწილეობა მიიღო საქართველო-ესტონეთის ბინზესფორუმში, სადაც იგი საქართველოს ბიზნეს-გარემოსა და ქვეყნის საგადასახადო პოლიტიკის შესახებ სპეციალური პრეზენტაციით წარსდგა.

თარიღი: 11-ივნისი-2009

მიმდინარე წლის 11 ივნისს ფინანსთა მინისტრი კახა ბაინდურაშვილი ეკონომიკის სფეროში მომუშავე არასამთავრობო ორგანიზაციების წარმომადგენლებს შეხვდა. შეხვედრაზე მინისტრმა სამინისტროს მიერ მომზადებულ საბიუჯეტო, საგადასახადო და საბაჟო კოდექსებში დაგეგმილ ცვლილებებზე ისაუბრა.

თარიღი: 17-ივნისი-2009

მიმდინარე წლის 12 ივნისს ფინანსთა სამინისტროში საქართველოში ლატარიის ორგანიზებასა და ჩატარებაზე უფლებამოსილი პირის გამოსავლენად შექმნილმა სატენდერო კომისიამ სხდომა გამართა, რომელზედაც განიხილეს პრეტენდენტების: შპს „საქართველოს ლატარიის კომპანიისა” და შპს „ტექნოლოგია პლუსის” მიერ წარმოდგენილი სატენდერო წინადადებები.

თარიღი: 17-ივნისი-2009

შემოსავლების სამსახურის საგამოძიებო დეპარტამენტის თბილისის მთავარი სამმართველოს თანამშრომლებმა საგადასახადო ანგარიშ–ფაქტურების გაყალბების ფაქტზე დააკავეს შპს „ახალი პირამიდას“ დირექტორი თამარ ჩაჩანიძე, შპს „ავტოგრაფი XXI“–ს დირექტორი ნიკოლოზ წიქარაძე, შპს „ფაეტონი 2003“–ის ხელმძღვანელი ვაჟა აბაშიძე, დავით თომაძე და ვახტანგ ლევიძე.

თარიღი: 25-ივნისი-2009

შემოსავლების სამსახურის საგამოძიებო დეპარტამენტის სამეგრელო – ზემო სვანეთის სამმართველოს თანამშრომლებმა სამსახურეობრივი გულგრილობის ფაქტზე დააკავეს ფოთისა და ყულევის პორტების მებაჟეები :