საერთაშორისო სავალუტო ფონდისა და მსოფლიო ბანკის წლიური შეხვედრის ფარგლებში, ფინანსთა მინისტრი ლაშა ხუციშვილი და ეროვნული ბანკის პრეზიდენტი ნათია თურნავა საერთაშორისო სავალუტო ფონდის ახლო აღმოსავლეთისა და ცენტრალური აზიის დეპარტამენტის დირექტორს, ჯიჰად აზურს შეხვდნენ.
საუბარი შეეხო მიმდინარე წელს და საშუალოვადიან პერიოდში ქვეყნის ფისკალური და მონეტარული პოლიტიკისა და სსფ-სთან თანამშრომლობის საკითხებს. მხარეებმა ხაზი გაუსვეს სტაბილური მაკროეკონომიკური პოლიტიკის მნიშვნელობას.
ქართული მხრიდან შეხვედრას დაესწრნენ ფინანსთა მინისტრის მოადგილეები გიორგი კაკაურიძე და ეკატერინე გუნცაძე, ეკონომიკისა და მდგრადი განვითარების მინისტრის მოადგილე ვახტანგ ცინცაძე.